الدروس الخصوصية النهاردة بأت موضة العصر
ازاي؟
اقولك دلوقتي الطالب بقى بياخد الدرس مش لمجرد انه عايز يتعلم ولا حتى عشان ينجح والسلام دلوقتي اول حاجة بيسأل اول حاجة مجموعة المدرس الفلاني فيها بنات؟ لو الاجابة اه يبقى هو ده المدرس اللي هيشتغل معاه حتى لو كان مدرس خايب
ولو الاجابة لا بالرغم من ان المدرس ممتاز يقولك مش رايح دي المجموعة هتبقى غلسة
ويا سلام بقى لو واحد طالب طلع وقال لاصحابه انا مش ناوي اخد دروس خالص ده هيبقى نهاره اسود انت فاشل انت صايع انت مش عايز تنجح
رغم ان اللي بيتكلم ده من النوع اللي بيدور على المدرس صاحب البنات
وزي ما بيتقال
كله ما بيصدق يفتي
على فكرة انا طالب في ثانية ثانوي عام وعمري ما اخدت درس في حياتي
1 comment:
أنا قلت زيك كده اني عمري ما هاخد درس في حياتي
بس اضطريت أخد في ثانوية عامة عشان الموضة وعشان أهلي كانوا قلقانين
بس بجد أنا كنت بروح الدروس وأنا مكسوفة جدا من نفسي
ربنا معاك في الثانوية انشاءالله
Post a Comment